كان فى مرة واحده عندها بنت و البنت اتجوزت
البنت زرات ماماتها و بتشكلها و بتقولها : انا خلاص تعبت و مابقتش قادره على جوزى و المشاكل اللى مش بتخلص ..
فخدتها امها و دخلت بيها المطبخ و جابت جزره و بيضه و حبوب بن و قالتلها حطى كل حاجه فى حله فيها مايه و سبيها على النار شويه ..
و بعدها قالت لبنتها امسكى الجزرة و قشرى البيضه و دوقى القهوه .. و قوليلى لاحظتى ايه ؟
نفذت البنت الكلام و قالت لمامتها : الجزرة بقت طريه و البيضه بقت جامده .. و البن عمل قهوه حلوة .. بس انا مش فاهمه ؟؟
قالتلها كل حاجه من اللى انتى حاتطيها على النار كان ليها خصائصها اللى بتميزها و لما التلاته اتحطو فى نفس الظروف تفاعلوا بشكل مختلف ..
يعنى الجزرة كانت جامده و بتتحمل بقيت طريه .. اما البيضه فكان مظهرها جامد و جواها لين و حنين لكن الظروف جمدت قلبها و بقيت قاسيه الا البن هو الوحيد اللى اثر فى الظروف و غيرها و عما منها حاجه جميله تانيه خااالص مش الظروف اللى غيرته ..
تفتكرى انتى المفروض تكونى مين فيهم ؟؟
اللى سهل تضعف قدام الظروف و يمكن تنكسر ؟؟
و لا اللى قلبها قوى و تنسى الرحمه ؟
ولا تغيرى الظروف و تتعايشى معاها ؟؟
موضوع: تربه نافعه .......وحكمه جامده 
الخميس فبراير 21, 2008 3:30 pm
